Raches d’aire d’hasta 121 quilómetros per hora na mariña asturiana

|
Predicción Aemet 29 de xineru 2019

Asturies ta viviendo un temporal nuevu d’aire y nieve una selmana depués del anterior, que provocó delles enllenes y causó la muerte de cuatro persones nel país. Esti martes rexistráronse raches d’aire d’hasta 121 quilómetros per hora y tola mariña ta n’alerta naranxa.

Cabu Bustu ye’l llugar onde más fuercia amosó’l vientu esta mañana, mentes qu’en Cabu Peñes algamáronse los 116 quilómetros per hora y yá nel interior, en Carreña, los 100, según la datos daos pola Axencia Estatal de Meteoroloxía (Aemet). Tola costa ta n’alerta naranxa por raches d’aire hasta la medianueche de güei –hasta les 18 hores na fastera occidental–, cuando va siguir por fenómenos costeros hasta les 18 hores de mañana, mentes que nel restu de país ye mariella hasta les 18 hores.

Nel cordal y Picos l’alerta naranxa ye tamién por nevaes hasta les 19 hores, cuando va siguir sólo por vientu hasta medianueche. La cota de nieve ta asitiada nos 900 metros.

Anque ta cayendo agua en toda Asturies, la so cantidá ye mui inferior a la de la selmana pasada. Sicasí, ye más que posibles que se produzan argayos en tol país como consecuencia de los ochos díes de mal tiempu que tamos viviendo, polo que se recomienda a la población que tome precuación en desplazamientos.

Contador Estadistiques