Preséntase en Xixón ‘Ritanes, ñerbates y otros cantos al pasáu’

Esti poemariu d'Armando Vega ganó'l XII Premiu Nené Losada Rico, nel añu 2017.

La llibrería La Buena Letra ye sede esta tarde de la presentación en Xixón de ‘Ritanes, ñerbates y otros cantos al pasáu’, asoleyáu por Trabe n'agostu. L'actu va comenzar a les 20 hores y, amás del autor, van participar nel mesmu l'escritor Miguel Rojo y la editora Esther Prieto.

Enantes, L'Infiestu y Avilés acoyeron eventos pa dar a conocer esti llibru “estráu de dialectalismos orientales bien guapos y naturales”, con composiciones nos que predomina'l poema curtiu.