Podemos presenta una proposición non de llei nel Congresu pa qu’horros y paneres nun paguen l’IBI

|
Sofía Castañón, Lucía Montejo, Eduardo Maura y Segundo González proposición IBI horros

La problemática que sufren los propietarios d’horros y paneres y que pon en peligru la sobrevivencia d’esti patrimoniu, el pagu del IBI por estos bienes muebles, llega al Congresu. Podemos presentó una proposición non de llei pa que queden llibres del so abonu.

Lucía Montejo, diputada na Xunta Xeneral que ta trabayando fondamente nesti asuntu, acudió a Madrid pa tratar el tema colos sos compañeros nel Congresu y formalizar la presentación de la proposición non de llei. La intención de Podemos ye que tanto horros, como paneres y cabazos, queden exentos de pagar l’Impuestu de Bienes Inmuebles (IBI), dalgo que yá llevó a la Xunta Xeneral.

La parllamentaria de Podemos Asturies tien calificao de “escandaloso” el fechu de qu’estos bienes muebles paguen l’IBI porque esti impuestu “como’l so propiu nome indica, sólo debería aplicase a inmuebles”, mientres hai elementos arquiteutónicos ensin interés patrimonial “exentos col criteriu únicu de quién ye’l so propietariu”.

Na semeya, Sofía Castañón, Lucía Montejo, Eduardo Maura y Segundo González.

Contador Estadistiques