Parter Capital Group tarda ocho meses en vender Alu Ibérica

|
Trabayadores Alcoa en llucha

L'antigua Alcoa pasa a ser controlada pol Grupo Industrial Riesgo tres la operación.

Parter Capital Group, que se fixo n'agostu coles plantes d'Avilés y A Coruña depués d'una negociación llarga cola multinacional estauxunidense del aluminiu cola intermediación de les alministraciones, ta acabante de vender trés cuartes partes de la so participación n'Alu Ibérica. El fondu d'inversión suizu, que se comprometiera a salvar los emplegos hasta xunetu del 2021, fixo públicu ayeri un alcuerdu con esti grupu con sede en Madrid.

El Grupo Industrial Riesgo pretende un plan industrial nuevu de llarga duración, según informó Parter. La operación fíxose ensin conocimientu del Gobiernu d'Asturies, lo que xeneró "sorpresa" y "malestar" nel Executivu, y sorprendió a los trabayadores, que creen que se punxo en marcha en setiembre.

Na semeya, una imaxe de los emplegaos d'Alcoa d'Avilés defendiendo los sos puestos de trabayu enantes de la venta de la planta a Parter Capital Group.

Contador Estadistiques