'País malva' yá se pue disfrutar en CD

|
'País malva' de Muyeres

Muyeres Asociación de Música Tradicional va presentalu con una actuación en La Felguera.

Los cantares del espectáculu 'País malva', estrenáu un 8 de marzu d'hai dos años n'Avilés, yá se pueden disfutar en casa tres percorrer toda Asturies y llegar a Breizh o Galicia. Muyeres tresllada los sones del mesmu, reinterpretaciones de dalgunes de les grabaciones recoyíes nel nuesu territoriu'l sieglu pasáu por espertos como Alan Lomax, Kurt Schlindler, Constantin Brailoiu y Manuel García Matos que, en munchos casos, taben venceyaes a la muyer, hasta esi momentu xeneralmente relegada a un segundu planu nesti tipu d'estudios, a un doble CD que presenta esta tarde, el quintu grabáu por esti coleutivu.

En total son 39 cantares tradicionales, que vienen acompañaos d'un completu llibretu de 32 páxines. Éstos van poder sentise, con artistes convidaes, nel conciertu previstu pa les 20.15 hores nel Teatru Nuevu de La Felguera, con entrada llibre hasta completar aforu.

Contador Estadistiques