Pablo Casado afirma n'Uviéu que l'asturianu "nun ta en riesgu"

|
Pablo Casado n'Uviéu

Refuga la cooficialidá de idioma porque diz que "naide nun la reclama" y "nun aporta beneficios a la sociedá asturiana".

El presidente del Partido Popular (PP), Pablo Casado, acudió esta mañana a Uviéu pa presentar a los candidatos p'Asturies y Uviéu pa les les eleiciones del 26 de mayu, Teresa Mallada y Alfredo Canteli, de manera respeutiva. Na so intervención tuvo pallabres tamién pa la llingua asturiana, de la que llegó a afirmar que "nun ta en riesgu".

"Claro que'l Partido Popular ta a favor del patrimoniu cultural asturianu; tamién del llingüísticu. Pero nun pue ser que s'imponga por decretu una cooficialidá llingüística que naide nun reclama; que nun ta en riesgu; que nun aporta beneficios a la sociedá asturiana. Sólo por dividir, sólo por escluyir... Sólo por xenerar debates estériles porque nun tienen nengún proyetu p'Asturies", declaró faciendo referencia a los partíos favoratibles a la oficialidá de la llingua asturiana.

Contador Estadistiques