Os Reises del Valledor salen a pidir l'aguilandu

La mazcarada allandesa celebra diez años dende la recuperación d'esta tradición.

Los personaxes que conformen la comparsa que percuerre'l Valledor nestes feches pidiendo l'aguilandu peles cases van salir esti sábadu, como tolos años dende hai una década cuando Xosé Antón Fernández 'Ambás' y Vezos Astures puxaron por recuperar Os Reises. El puntu d'aniciu va ser Villalaín a les 10.30 hores pa dirixise depués hacia San Salvador y finar en Fonteta.

A les 15 hores va celebrase una xanta popular pa siguir cola folixa, onde nun faltará la música. Como vien faciéndose nos dos años anteriores, va entamase un concursu de fotografía sobre la xornada protagonizada por Os Reises del Valledor que va tener un premiu de 250 euros y otru de 150.