'Nunca vencida' cuenta con traducción al castellanu fecha pol autor

La versión en llingua castellana del esitosu ensayu n'asturianu de David Guardado, que va pela segunda edición, preséntase en Paradiso.

'Nunca vencida. Una historia de una idea de Asturias' ye'l títulu en castellanu de la obra asoleyada por La Fabriquina esti mayu. Les bones cifres de venta que lleva'l llibru y l'interés que despierta fuera del país lleva a la editorial a dar esti pasu con una traducción fecha pol propiu autor.

Nel puestu instaláu en LLABShop, eventu celebráu en LLABoral Centru d'Arte y Creación Industrial la fin de selmana pasada, púnxose a disposición de los veceros, que dende'l miércoles lu tienen disponible en llibreríes. Esta tarde, a les 20 hores, va presentase na xixonesa Paradiso con un brindis navidiegu y la presencia de Guardado, que va firmar exemplares.

Na semeya, llibru de la versión en castellanu xunto a un cartelu promocional del orixinal n'asturianu nel puestu de La Fabriquina en LLABShop.