'Nel cantu la memoria' estrenóse con un 7,8 por cientu de share

Dos puntos perriba de la media de la TPA.

Na nueche d'ayeri estrenóse'l programa 'Nel cantu la memoria', dedicáu al 'Asturias' de Víctor Manuel, con un ésitu de públicu. Asina, foi'l programa d'entretenimientu más vistu de la canal, al algamar un 7,8 por cientu de cuota de pantalla.

Esti resultáu ye superior en dos puntos a la media de laTPA, asitiada al rodiu del 5 por cientu, y confirma l'interés de los televidentes polos programes que tienen l'asturianu como llingua vehicular. El xueves próximu, a les 22.15 hores, va emitise'l segundu episodiu d'esta primer temporada del programa, que va centrase nel cantar popular 'Soi de Verdiciu'.

El capítulu emitíu ayeri yá ta disponible pa velu en llinia na seición 'A la carta' de la web de la RTPA.