Muros ye’l conceyu númberu 65 n’oficializar la toponimia tradicional

El Conseyu de Gobiernu d’esti xueves dio’l preste al decretu toponímicu de Muros, polo que los nomes de llugar tradicionales del conceyu pasen a ser los oficiales, derogando asina los castellanos. Yá son 65 los ayuntamientos que dieron el pasu.

Tres l’aprobación de la toponimia d’Uviéu, Onís y Cuaña en marzu, Asturies sigue recuperando los nomes de llugar de tola vida. El siguiente en sumase a la llista ye Muros, tres recibir güei’l decretu toponímicu propuestu pola Xunta Asesora de Toponimia tres un rigurosu trabayu de campu, col preste posterior del Plenu, el vistu bonu del Gobiernu, polo que namái queda pendiente la espublización del espediente nos díes próximos nel Boletín Oficial del Principáu d’Asturies (BOPA) pa qu’estos topónimos pasen a ser los oficiales.

Cabrales, Llanera, Castropol y Somiedu serán los próximos en siguir los pasos de Muros, mentes qu’en diferentes fases del procesu tán Cuideiru, Ayande, Caravia, Ibias, El Valle Baḥu de Peñamellera, Salas, Navia y Pravia. Entá sigue pendiente d’abrilu Eilao, únicu conceyu de tol país que nun comenzara col trámite.

Semeya obra d'Armando Álvarez.