Mori presenta'l so poemariu 'Orfandá'

La llibrería La Buena Letra acueye l'actu.

Asoleyáu n'agostu por Ediciones Trabe ocho años depués de la espublización del so poemariu últimu, 'La mio voz' (XVI Premiu Xuan María Acebal, correspondiente al añu 2010), 'Orfandá' ye una obra compuesta por 34 poemes firmaos por Marta Mori que l'autora escribe, por necesidá, depués de la llarga enfermedá y muerte del so padre. Nél espresa los sentimientos qu'empezaron a surdir tres esi momentu.

La presentación d'esti trabayu va tener llugar esta tarde en Xixón a les 20 hores en La Buena Letra. Mori va tar acompañada nel actu pol escritor Diego Solís y la editora Esther Prieto.