Misiva cita a los sos siguidores a les 22 hores

La banda celebra en llinia'l el conciertu especial pol so décimu aniversariu.

Son munchos meses de preparación y de ganes de llevar al direuto los cantares de 'L'últimu aliendu', EP asoleyáu en plenu confinamientu. Tres dos aplazamientos, y dada que la situación de la crisis sanitaria nun dexa marxe pa un eventu como'l que teníen planificáu los de Grau, el conciertu previstu nun primer momentu na sala uvieína Tribeca va dar el saltu a la rede esta nueche.

Misiva convoca a les 22 hores a los sos siguidores na so canal de YouTube pa facer la so descarga de punk-rock. Una actuación en direuto diferente que permitirá a músicos y públicu coneutar al traviés de la pantalla.

Bolsos y gorres

Con motivu de los diez años, el grupu moscón asoleya tamién material conmemorativu. Bolsos y gorres tán a la venta col logu del décimu aniversariu en dos colores, azul y colorao.