Maxi Areñes presenta'l so llibru nuevu n'Uviéu

Llámase ‘Suañando dende Areñes’ y ta compuestu por poemes intimistes y rellatos.

Tres dalu a conocer en Piloña, conceyu nel que reside, en concreto en L'Infiestu y Villamayor, Maxi Areñes va presentar agora la so obra nueva n'Uviéu. Va ser nel Manglar el xueves, a les 19.30 hores, actu pal que l'escritor y músicu promete delles sopreses.

Con esti trabayu sigue la mesma llinia qu'en ‘Cuentinos dende Areñes’, nel que Maitetxu Isla, compañera de vida del autor, encargóse tamién de les ilustraciones y semeyes. El músicu y escritor Tante Blanco y Monchi Álvarez, periodista de RPA, son los responsables de los dos prólogos de 'Suañando dende Areñes', obra autoeditada.