Los vocales de la Xunta Eleutoral d’Asturies nun entienden l’asturianu

|
Papeletes n'asturianu

“Su extensión y objeto no permite su fácil comprensión por los vocales de la Junta Electoral Provincial de Asturias”, argumentó la Xunta Eleutoral Central pa torgar el recursu d’Andecha Astur pola non almisión d’un escritu n’asturianu n’Asturies. Ésti debía ser presentáu “en idioma oficial” pa ser almitíu pol organismu.

Andecha Astur garrábase a la sentencia del Tribunal Constitucional del añu 2000 que "reconociere a tol pueblu asturianu’l so drechu a usar la llingua nacional nos procesos elleutorales (STC 48/2000)”, como recordaba’l so secretariu xeneral, Paulo Arboleya, tres recibir el refugu de la Xunta Eleutoral d’Asturies a un escritu nel que-y solicitaba “que notifique a les meses eleutorales la correcha interpretación de la llexisllación española” pa evitar episodios pasaos, como la retirada de papeletes por tar n’asturianu o la so anulación. “Deberá presentarlo, en su caso, en idioma oficial”, encamentaba l’organismu na so respuesta.

Agora los nacionalistes reciben el refugu de la Xunta Eleutoral Central, qu’apunta que los escritos namái pueden presentase nes llingües oficiales, recordando darréu’l status actual del asturianu, protexíu pol Estatu d’Autonomía pero ensin carauter oficial, y que la sentencia del Consitucional “no es apicable al presente caso, en la medida que dicha Sentencia amparó a los recurrentes frente a un acuerdo de la Junta Electoral Provincial de Asturias denegando la proclamación y publicación de las candidaturas presentadas por los recurrentes por el motivo de utilizarse una lengua no oficial en el escrito de presentación de candidaturas y en los restantes documentos presentados, puesto que, en aquel supuesto, la voluntad de concurrir a las elecciones estaba clara y la modalidad lingüística era comprensible, habiéndose cumplido los demás requisitos exigidos por la ley. En el presente caso, el escrito no está relacionado con la publicación y proclamación de las candidaturas, que ya se ha producido, y su extensión y objeto no permite su fácil comprensión por los vocales de la Junta Electoral Provincial de Asturias”.

Recursu al Supremu

“Como nun pue ser d’otra miente, Andecha Astur recurrirá esti determín ente’l Tribunal Supremu, pero nun pue dexar d’entrugase ónde ta la coherencia de los partíos políticos que dicen defender la oficialidá del asturianu y, nin la usen nes sos rellaciones coles instituciones, nin aprofiten el drechu a sacar papeletes n’asturianu, y que guarden un silenciu cómpliz énte lo que ye un inxustificable casu de represión llingüística”, apunten dende la formación nacionalista.

Contador Estadistiques