Los sidros tornen a Bimenes décades depués

|
Cartelu Los Sidros y Les Comedies en Bimenes

L'Asociación pola Recuperación de los Sidros y les Comedies ‘El Cencerru’ lleva a Santuyano la representación de 'Nun ye comedia. Non ye non', estrenada esti mes en Valdesoto.

Los sidros tornen esti domingu a Bimenes. Los yerbatos d'edá más avanzada recuerden a sidros percorriendo'l conceyu décades atrás, lo que llevó al Ayuntamientu a falar con El Cencerru pa que los vecinos pudiera disfrutar otra vuelta de los blincos d'estos personaxes.

Asina, a les 13.25 hores va comenzar un pasucais de los Sidros y les Comedies dende la plaza la Ilesia hasta'l parque de Santuyano, onde la mazcarada de Valdesoto va representar la obra 'Nun ye comedia. Non ye non', escrita por José Ramón Oliva pal Domingu de Sidros y Comedies que tuvo llugar el pasáu día 13 na población sierense. Otra manera, de 10 a 13 hores va entamase'l Mercáu Yerbatu y l'Asociación Folclórica y Cultural Los Yerbatos va encargase de poner l'acompañamientu musical a la xornada.

Contador Estadistiques