Los sidros repiten tamién esti añu en Bimenes

|
Cartelu Domingu de Sidros y Comedies en Bimenes 2020

El conceyu yerbatu entama un Domingu de Sidros y Comedies per segundu añu cola mazcarada d'iviernu de Valdesoto.

Depués de décades d'ausencia, los sidros tornaron a blincar per Bimenes l'añu pasáu gracies a una iniciativa del Conceyu xunto cola Asociación pola Recuperación de los Sidros y Les Comedies ‘El Cencerru’. Los vecinos d'edá más avanzada recordaben a estos personaxes nel llugar y la presencia de los sierenses foi un ésitu, polo qu'esti añu repiten.

El Domingu de Sidros y Comedies va tener llugar esti domingu 2. A les 13 hores la mazcarada va facer un pasucais dende la plaza la Ilesia hasta'l parque Santuyano, onde va representase la comedia 'CDR (Comedia en Defensa de la Rexón)', firmada por José Ramón Oliva y estrenada'l pasáu día 12 nel Domingu de Sidros y Comedies de Valdesoto.

L'Asociación Folclórica y Cultural Los Yerbatos va encargase de poner el toque musical a la folixa.

Contador Estadistiques