Los llectores d’Asturies.com prioricen la conservación énte controles más estrictos pal osu y el llobu

|

Los ataques a la ganadería por parte del llobu y l’osu nun habría de provocar un mayor control d’estes especies, como soliciten los ganaderos. Un 76 por cientu de los usuarios que participaron nel nuesu ‘Conceyu Abiertu’ prioricen la conservación de la fauna.

La entruga plantegada nesta ocasión yera ‘¿Debería Asturies replantegase’l sistema de proteición del llobu y del osu por mor de los ataques a la ganadería?’, a lo qu’un 76 por cientu respondió ‘Non, hai que priorizar la conservación’, por un 24 por cientu que votó pola opción ‘Sí, el so númberu obliga a camudar la estratexa’. La selmana pasada abrióse un alderique nesti asuntu por una rueda de prensa del coleutivu Asturias Ganadera, lo que tuvo una respuesta por parte de la Fundación Oso Pardo, que calificó les sos postures como “alarmistes” y ensin fundamentu.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer la opinión de los nuesos llectores sobre la situación de Liberbank, bancu nel que ta integrada CaxaAstur, tres la perda de valor pol contaxu de la cayida del Banco Popular, compráu pol Banco Santander por un euru.

Contador Estadistiques