Los llectores d’Asturies.com creen que los casos de corrupción salen de baldre políticamente

|

Los casos de corrupción salen de baldre dende’l puntu de vista políticu, según los usuarios d’Asturies.com. Un 80 por cientu de les persones que participaron nel nuesu ‘Conceyu Abiertu’ opina qu’hai un pautu ente los grandes partíos pa tapecer estos asuntos.

La entruga plantegada nesta ocasión yera ‘¿Los casos de corrupción n’Asturies salen de baldre dende’l puntu de vista políticu?’, a los qu’un 80 por cientu escoyó la respuesta ‘Sí, porque hai un pautu pa tapecelu ente los principales partíos’. Namái un 20 por cientu optó por ‘Non, l’espectru parllamentariu actual amuesa un cambiu’. Lo cierto ye que pese a los numberosos casos de corrupción que chisquen a la FSA y al so entornu y al PP, estes dos formaciones siguen siendo les más votaes nel país.

Dende esti momentu yá ye posible participar nun ‘Conceyu Abiertu’ nuevu. Nesta ocasión queremos conocer la opinión de los nuesos llectores sobre la posición que ta tomando’l Gobiernu sobre la deuda que caltién l’Estáu col país sobre proyeutos yá executaos a cargu de los fondos mineros.

 

Contador Estadistiques