Los datos de la COVID-19 dexen dos positivos

Hai que llamentar una muerte'l llunes.

Asturies, tres el procesamientu de 1.199 muestres por PCR pa la determinación de la COVID-19, rexistró ayeri 2 positivos nuevos. Ye la cuarta xornada siguida con contaxos tres enllazar otres cuatro ensin ellos la selmana pasada.

No que respeuta a les muertes, la Conseyería de Salú torna a anunciar una depués de que'l domingu nun hubiera perda nenguna. El total de finaos pola enfermedá causada pol coronavirsu SARS-CoV-2 asciende a 328.

Un ingresu aumenta'l númberu de pacientes en planta a 13, mentes que na UCI la cifra sigue siendo de 9. Na xornada diéronse 4 altes epidemiolóxiques que faen aumentar el númberu de curaos a 1.807.