Asturies torna a vivir una xornada ensin contaxos nin finaos con COVID-19

A esta bona cifra hai que sumar les 20 curaciones rexistraes esti martes.

Una selmana depués, Asturies torna a vivir una xornada ensin contaxos, tres el procesamientu de 1.190 muestres por PCR, nin finaos con COVID-19. El martes pasáu yera la primer vegada qu'asocedía dende'l 2 de marzu, enantes de la declaración de pandemia por parte de la Organización Mundial de la Salú (OMS), y los datos de la Conseyería de Salú d'ayeri dexen otra vegada esta noticia escelente.

Nun hai movimientos na UCI nin en planta, onde siguen ingresaes 9 y 13 persones, de manera respeutiva. Mentes, diéronse 20 altes epidemiolóxiques que ponen el total de curaciones en 1.827.