Los circos con animales salvaxes nun van poder actuar n'Asturies

La modificación de la Llei d'Espectáculos Públicos, aprobada por unanimidá, prohibe los espectáculos qu'empleguen fauna xabaz.

Depués de les decisiones nesi sen tomaes por dellos conceyos nos años últimos, como Mieres, Gozón, Corvera, Castrillón, Xixón o Uvién, la Xunta Xeneral da'l pasu de nun permitir la celebración de shows con animales salvaxes como protagonistes. El cambiu na norma vien pola esistencia de "una demanda social" creciente al respeuto y cola fin d'evitar el so sufrimientu.

A pesar de votar a favor, Podemos y Izquierda Xunida (IX) amosaron la so disconformidá al nun incluyir la llei tamién la prohibición de los espectáculos taurinos. Nesi sen, Asturies nun tien competencia, yá que la normativa sobre los toros depende del Estáu.