Los cartelos de los accesos nuevos al PEPA nun respeten la toponimia oficial

|
Cartelos toponimia accesu PEPA

Iniciativa pol Asturianu unvía escritos de protesta al Ministeriu de Fomentu y Delegación del Gobiernu estatal n'Asturies.

'Gijón' en cuenta del oficial dende hai 13 años 'Gijón/Xixón' y 'Oviedo' pol aprobáu más recientemente 'Oviedo/Uviéu'. Ye lo que se pue ver en dalgunes de les señales instalaes na autopista 'Y' por mor de l'apertura de los esperaos accesos al Parque Empresarial del Principáu d’Asturies (PEPA), n'Avilés.

Éstos entraron en serviciu'l 10 de xunu y, anque la obra executóla'l Gobiernu d'Asturies, la titularidá de la 'Y' ye estatal, polo que Iniciativa pol Asturianu nun tardó n'unviar un escritu al Ministeriu de Fomentu y Delegación del Gobiernu pa protestar por una situación que nun ye nueva. "Dende la organización pídese la correición d’esti error acordies colo afitao na Llei d'Usu y Promoción del asturianu de 3 de marzu de 1998, y col Decretu 105/2006, de 20 de setiembre, d'oficialización de la toponimia del conceyu de Xixón y colo que recueye’l Decretu 14/2019, de 13 de marzu, d’oficialización de la toponimia del conceyu d’Uviéu" y afalen "a los conceyos y al futuru Gobiernu d’Asturies a facer un esfuerciu nel cumplimiento de los topónimos oficiales y a facer un usu normal d’ellos".

Contador Estadistiques