'Llegar', curtiu asturianu ganador nel CINESAN

|
Fallu de CINESAN

Dos cintes n'asturianu taben a concursu.

El I Certame Internacional de Curtiumetraxes de Samartín del Rei Aurelio (CINESAN) yá conoz a los ganadores nes sos dos categorías. Na seición asturiana, na que competíen ocho creaciones, ente elles dos en llingua asturiana, Ad-vientu', dirixida pol asturianu Roberto F. Canuto y el chinu Xu Xiaoxi, y 'Agostu', de Diego Llorente, el premiu foi pa 'Llegar', de Javier y Kiko Prada.

Esti curtiu, rodáu nel 2017, ye un drama social nel que dos muyeres caltienen una conversación. Les sos protagonistes son Violeta Orgaz y Raquel Pérez.

El ganador na seición oficial de CINESAN foi 'Madre', del madrilanu Rodrigo Sorogoyen, mentes que l'actriz murciana Marta Nieto llevó'l Premiu a la Meyor Interpretación pol so papel nesta mesma cita. La gala de clausura y entrega de los gallardones del festival tendrá llugar la tarde del sábadu nel Teatru Municipal de L'Entregu.

Na semeya, los miembros del xuráu Francisco Longoria, María Alonso García (presidenta) y Xosé Ramón Martín Ardines (secretariu).

 

Contador Estadistiques