Llega la XIV edición del Festival Internacional de Gaita de Villaviciosa

Dende'l xueves 5 al 8 de setiembre La Villa va contar con una completa programación con actuaciones de bandes de gaites, grupos folk, tonada y concursu de gaiteros. Amás de presentaciones, talleres, mercáu d'artesanía, pasucáis y festival gastronómicu.

El conciertu del xueves nel Teatru Riera a les 22:00 hores tará protagonizáu por Jose Manuel Tejedor y na nueche folk del sábadu 7 n'El Pelambre participarán los grupos La Musgaña, Startijenn y Spanta la Xente. Tando reservada pa la nueche del vienres la 'Nueche en danza 'l FIG' cola Orquestina La Xarangana, Abéu y Cantaruxare.

L'alcuentru de bandes de gaites d'esti añu contará'l sábadu cola participación de: Veteranos de la Banda Gaites Villaviciosa 'El Gaitero', Banda Gaitas El Trasno (Cuaña), Banda de Gaitas Ximiela (Louro, Galicia), Banda de Gaitas de Boto Aragonesas (Zaragoza, Aragón), Bagad Kevrenn Alré (Auray, Bretaña) y la Banda Gaites Villaviciosa 'El Gaitero'.

Amás de conciertos, hai un programa completu con talleres y presentaciones al rodiu de la música tradicional y la gaita, una fiesta de la sidra  y pasucáis de bandes de gaites el sábadu, mercáu d'artesanía, bandines pelos chigres y festival gastronómicu. 

El festival pesllarase la tarde del domingu de tarde col IV Certame FIG de Tonada Asturiana y el VIII Concursu de Gaiteros 'Memorial José Huerta'.