Llan de Cubel va participar nuna Nueite Celta en La Puela

L'actuación ta enmarcada nel Seminariu d'Estudios Asturianos de la Fundación Belenos, que cumple venti ediciones.

La música va ser la protagonista d'esti cita de la seronda que la organización entama en La Puela, qu'esti añu quixo facer especial col entamu d'una Nueite Celta. Llan de Cubel yera ún de los grupos confirmaos y, a pesar de la muerte d'Elías García, los sos integrantes decidieron siguir alantre cola actuación, que se va convertir nuna especie d'homenaxe al músicu fundador de la banda pola presencia de munchos amigos y compañeros.

Cantaruxare y Mariluz Cristóbal Caunedo completen el cartelu d'una cita que va tener llugar el 16 de payares nel Mercáu Cubiertu de La Puela dende les 22.30 hores. La entrada ye llibre y la nueche va rematase con un filandón con música del país.

El sábadu y el domingu tamién van desendolcase les conferencies y actividaes habituales nestos seminarios de la Fundación Belenos, que requieren d'inscripción previa. Los ponentes van ser Ignaciu Llope, Fonsu Fernández García, Xune Elipe y Lisardo Lombardía.