Lieres echa'l piesllu

Dempués de cerca de cien años, l'antigua mina de Solvay en Lieres yá ye historia. Los últimos 30 mineros que trabayaben nella yá tan treslladaos a otros pozos d'Hunosa, qu'enxertó la mina de Siero na so estructura cuando los particulares dexaron d'esplotala nel 1993. Foi una historia qu'entamó en 1903 sacando carbón pa llevalo a la planta química que tien la casa Solvay en Cantabria y qu'acabó como'l rosariu l'aurora. La mina yá tenía que tar pesllada va dos años, según mandatu de la UE, pero la esplotación aguantó d'entós p'acá nuna situación bien irregular qu'entovía ta por vese como s'igua, porque anque Lieres nun vio les perres, lo cierto ye que se cobraron ayudes al pieslle que nun se sabe en qué acabaron, y la mesma UE tien una investigación abierta por esta tema.Conocíes yá dende'l tiempu de Xovellanos, llama l'atención que'l web oficial de Solvay nun diga res de la mina de Lieres, cuando la mina y la barriada obrera, xunto col hospitalín, son amás ún de los exemplos más curiosos d'arquitectura industrial n'Asturies. El famosu ferrocarril de la llínia trazada (Samartín-El Musel) tamién tenía que pasar per equí.

Contador Estadistiques