L'Hostelcur, campéon de Copa tres ganar na final al Generali Palau

|
L'Hostelcur, campéon de Copa tres ganar na final al Generali Palau

Les xixoneses algamen per tercer vez esti títulu nun partíu emocionante que se decidió nos penaltis tres finar 2-2.

L'Hostelcur Gijón, nome col que compite'l Club Patín Gijón Solimar, continúa sumando títulos pa consolidase como l'equipu asturianu con meyor palmarés. Ayeri traxo de Lloret de Mar a Xixón la so tercer Copa de la Reina tres derrotar na final al Generali Palau de Plegamans, conxuntu al que superó nos penalti tres terminar el tiempu regular con un 2-2 nel electrónicu y nun movese'l resultáu na prórroga.

María Díaz 'Peke' encargóse d'anotar el penalti que daba ventaya a les xixoneses pa treslladar la responsabilidá a les catalanes. Finalmente Elena González detendría'l llanzamientu de Berta Busquets y la llocura españaba ente les xugadores de María Fernández 'Pulgui' y los aficionaos desplazaos a la Costa Brava.

D'esta forma, l'Hostelcur consigue la so tercera Copa (2012, 2013 y 2016), que se suma a les cuatro Copa d'Europa (2007, 2009, 2010 y 2012) y la Lliga ganada nel añu 2009.

Rivales complicaes

El camín pa llegar a la final nun foi cenciellu pa les asturianes. En cuartos tuvieron que superar al Sferic Terrasa (4-3) pa depués cruciase en semifinales coles sos verdugues en semifinales de la Copa d'Europa d'esti añu, el Voltregà de la xixonesa Natasha Lee (3-1).

Pela so parte, el Generali Palau superó a Las Rozas (3-2) y al Manlleu (3-1) enantes de cayer coles de Pulgui na final.

Contador Estadistiques