Francisco González Orejas comparecencia Xunta Xeneral

RTPA emitió 349 hores n’asturianu nel primer semestre, un 10 por cientu de la programación

“Ye una cantidá modesta, pero importante”, consideró Francisco González Orejas, direutor xeneral en funciones de la RTPA, na so comparecencia na Xunta Xeneral, onde reclamó la ellaboración d’un mandatu marcu qu’afite los porcentaxes de programación. Informó que l’ente emitió n'asturianu 349 hores y 30 minutos nel primer semestre del añu, lo que supón un 10 por cientu del total.

La presentación de los resultaos definitivos de la III Encuesta Sociollingüística del Navia-Eo va abrir les Xornaes Internacionales d’Estudiu

Les XXXIX Xornaes Internaciones d’Estudiu, qu’entama l’Academia de la Llingua Asturiana (ALLA), van celebrase del 9 al 11 de payares na Facultá de Filosofía y Lletres de la Universidá d'Uviéu. Francisco José Llera Ramo va presentar na primer ponencia d’esta actividá los resultaos definitivos de la III Encuesta Sociollingüística del Navia-Eo.

Manifestación oficialidá 16-O XDLA

Histórica

Miles de persones salieron a la cai esti sábadu n’Uviéu pa reclamar la oficialidá del asturianu y del gallego-asturiano, superando la respuesta d’abril del 2018. Una amuesa del ampliu respaldu social que tien esta vieya demanda nun momentu clave, cola reforma del Estatutu negociándose puertes adientro de la Xunta Xeneral.

Valla publicitaria Pumares VOX

“Nun se pue utilizar dineru público pa campañes d’acosu y señalamientu”, censura Pumares

La Comisión Direutiva de Foro salió en defensa del so diputáu y secretariu xeneral Adrián Pumares, que fixo per primer vegada declaraciones sobre los cartelos firmaos por VOX y les pegatines xunto cola so imaxe y el lema ‘Cooficialidad no’. “Nun se pue utilizar dineru público pa campañes d’acosu y señalamientu”, criticó.

Carlos Pulgar

Pulgar: “El 16-O tien que ser una ilusión pa tol mundu que participó per décades na reivindicación; tamos na meta final”

Amor, optimismu, pluralismu, llibertá, democracia…, son dalgunos de los ingredientes que conformen el mensaxe que va llanzar esti sábadu n'Uviéu (12 hores, Estación del Norte) la sociedá asturiana. La ciudadanía va salir a la cai esti 16-O una vegada más pa reclamar la oficialidá del asturianu y del gallego-asturiano, anque agora nun contestu mui diferente, del que falamos con Carlos Pulgar (Ḷḷena, 1975), voceru de la convocante Xunta pola Defensa de la Llingua Asturiana (XDLA).

Lisardo Lombardía

Lombardía va recibir n'An Oriant la medaya que lu reconoz como Chevalier des Arts et des Lettres

El salón d’honor de l'Hôtel de Ville d’An Oriant va acoyer esti vienres l’actu d’entrega a Lisardo Lombardía, de mano del ministru francés d’Europa y Asuntos Esteriores, de la medaya que lu reconoz como Chevalier des Arts et des Lettres. Cultura concede esta condecoración de la Orde de les Artes, una de les cuatro mayores de la República.

Yolanda Castaño y Antón García beca residencia lliteraria

Un autor asturianu va disfrutar d’una residencia lliteraria d’un mes n’A Coruña “nunes condiciones d’escelencia”

El Gobiernu, en collaboración cola Residencia Literaria 1863, asitiada n’A Coruña, entama una beca d'un mes de llargor pa estimular la creación lliteraria n’asturianu y gallego-asturiano a la que pueden optar autores n’activo. “Va ser una estancia mui estimulante, inspiradora y na que se va poder sentir 24 hores al día escritor o escritora desendolcando’l trabayu nunes condiciones d’escelencia”, esplicó la poeta gallega Yolanda Castaño.

Xune Elipe y Carlos Pulgar presentación manifestación oficialidá 16-O

16-O: “Ye hora de pasar páxina a esa falta de derechos democráticos que tenemos n’Asturies”

Esti sábadu Asturies encara la que posiblemente sía “la última manifestación de reivindicación de la oficialidá” depués de cuatro décades de movilizaciones. “Ye hora de pasar páxina a esa falta de derechos democráticos que tenemos n’Asturies”, demanda Carlos Pulgar, voceru de la Xunta pola Defensa de la Llingua Asturiana (XDLA).

Pegatina ataque a Pumares

Respuestes de sofitu a Pumares énte la campaña de presión que sufre de sectores contrarios a la oficialidá

Unes pegatines cola imaxe d’Adrián Pumares y la pallabra ‘Vendido’ ye’l pasu últimu dau por sectores contrarios a la oficialidá na so campaña d’ataque al idioma, intensificada nes selmanes últimes cola apertura de negociaciones pa la reforma del Estatutu d'Autonomía. El diputáu de Foro ta recibiendo numberoses amueses de sofitu en redes.