L'espectáculu 'Spirum' protagoniza'l XVIII Festival Villa de Xixón

|
Cartelu XVIII Festival Internacional de Bandes de Gaites Villa de Xixón

Siete agrupaciones participen nesti certame internacional de bandes de gaites.

Superaos los problemes depués de la baxada del compromisu económicu inicial del Conceyu de Xixón que punxo en peligru la celebración del XVIII Festival Internacional de Bandes de Gaites Villa de Xixón, ésti va celebrase dende güei al martes. La gran novedá d'esta edición ye la representación, el domingu a les 21.30 hores na Plaza Mayor, del espectáculu 'Spirum' a partir del primer discu de la Banda de Gaites Villa de Xixón, que se presentó en xineru nel Teatru Xovellanos.

Un total de sietes formaciones van participar nel certame: la Banda de Gaitas Carballo da Manteiga de Lalín y la Banda de Gaitas Fornelos de Montes, de Galicia; la Cambridgeshire Caledonian Pipe Band, d'Alba; la Dominic Graham School of Irish Dance, d'Éire; la Bagad Saint-Malo, de Breiz; la Banda Gaites El Centru, de la Comunidad de Madrid; y la propia Banda Gaites Villa de Xixón. El festiva va comenzar esta tarde con una Folixa Intercéltica nel Cerru dende les 18 hores, mentes que la gala del certame ta programada pal martes a les 21.45 hores na Plaza Mayor.

 

Contador Estadistiques