Les IX Xornaes Culturales De Castilletes y Carbón dan pasu en Ciañu a les ponencies de los xueves

|
Casa de los Alberti

Llegáu payares, tres finar el ciclu de cine ‘Baxando pa la Galería’, les IX Xornaes Culturales De Castilletes y Carbón dan pasu a la so segunda estaya, ‘Los xueves de Castilletes y Carbón’. El gaiteru Berto Varillas va protagonizar la primer de les cuatro ponencies previstes.

‘La gaita, tradición anovada’ ye’l nome de la conferencia que va celebrase’l xueves a les 20 hores nel Centru de Referencia de la Cultura y Llingua Asturiana Casa de los Alberti, asitiada en Ciañu. Esti mesmu llugar acueye la esposición ‘Mina nel mundu’ mientres tol mes.

El restu de charres programaes, siempre a les 20 hores, son ‘Por qué ye necesaria la oficialidá? Drechos llingüísticos n'Asturies’, con Inaciu Galán (día 15); ‘El paisaxe de la reconversión na lliteratura asturiana’ por Marta Mori (22); y la presentación de la obra ganadora del XXIII Premiu  Máximo Fuertes Acevedo d’ensayu ‘42,553. Depués de Buchenwald’, de Xuan Santori (29). La Fundación Nuberu y el Conceyu de Llangréu organicen estes xornaes culturales que “busquen ser un averamientu ya intentu d’interpretación de la mina y tolo que la arrodia al traviés de la música, el cine y tamién de ponencies que traten esti tema dende diferentes perspeutives y ámbitos d’estudiu”.

Contador Estadistiques