L'apertura del procesu de reforma del Estatutu pa la oficialidá va tratase nun Plenu ordinariu

La fecha prevista ye'l día 23. La intención de Podemos y IX yera convocar un Plenu monográficu na Xunta Xeneral.

La Xunta de Voceros d'ayeri acordó tratar l'apertura del procesu de reformar del Estatutu pa introducir la oficialidá y gallego-asturiano nun Plenu ordinariu. Tolos grupos parllamentarios, a esceición de los dos proponente, refugaron la posibilidá de conovocar un Plenu pa tratar esta propuesta.

D'esta forma, va ser un puntu más del orde del día d'un Plenu ordinariu, previstu nun primer momentu pal vienres qu'entra. P'abrir el procesu de reforma ye necesario la mayoría absoluta de la Cámara, esto ye 23 diputaos.

Podemos y Izquierda Xunida (IX) sumen 14 –9 y 5 de manera, respeutiva–, polo que ye necesario'l sofitu de la Federación Socialista Asturiana (FSA) pa llegar al mínimu necesario. El mensaxe unviáu dende'l Gobiernu ye una negativa a abordar esti asuntu nesta llexislatura.