L'Altu L'Acebu abre la 'Vuelta a Asturias'

La ronda ciclista asturiana va percorrer 462 quilómetros en trés etapes.

El comienzu de la LIX 'Vuelta a Asturias' Julio Álvarez 'Mendo' va ser espectacular, yá que'l final de la etapa con salida n'Uviéu va ser nel Altu L'Acebo (152,5 quilómetros). Esta xornada de xuru va marcar una carrera que nos sos trés díes va xubir 14 puertos. Mañana espera otra día espectacular, con un percorríu de 186,7 quilómetros ente Cangas del Narcea y La Pola Ḷḷena.

La etapa cabera va celebrase'l llunes, con salida Soto Ribera y Uviéu (121,5 quilómetros). En total compiten nesta edición de la Vuelta diecisiete formaciones, ente les que destaca'l Movistar de Jorge Arcas, Imanol Erviti y Dani Moreno, que ganó l'añu pasáu con Igor Antón, ausente nesta edición tres el so pasu al Team Dimension Data. Asturies va tar representada por trés ciclistes: Israel Nuño (Inteja-MMR DCT) y Gonzalo de Andrés y Juan Manuel García (seleición aficionada).

La TPA va emitir resúmenes de cada xornada, siendo'l d'esta nueche a les 21.30 hores, mentes que la RPA va siguir los finales d'etapa en direuto.