L'ALLA tresllada la situación del asturianu al Parllamentu Européu

|
Nils Torvalds y Xosé Antón González Riaño en Bruxeles

Una delegación encabezada por Xosé Antón González Riaño aconceyó en Bruxeles col finlandés Nils Torvalds, presidente del intergrupu de Minoríes Llingüístiques.

La eurodiputada asturiana d'Izquierda Xunida (IX), Ángela Vallina, encargóse de concertar l'alcuentru ente'l presidente de l'Academia de la Llingua Asturiana (ALLA), que viaxó acompañáu por María Cristina Valdés, y el responsable d'esti órganu non oficial de la Eurocámara al rodiu les Minoríes Tradicionales, Comunidaes Nacionales y Llingües. D'él salió'l compromisu de Torvalds de visitar Asturies convidáu pola institución académica.

La xornada nel Parllamentu Européu completóse con un alcuentru colos restantes eurodiputaos asturianos (Jonás Fernández, del PSOE, y Tania González Peñas y Estefanía Torres, de Podemos) y un conceyu con Petri Bernardett, miembro de la direición xeneral de Cultura de la Comisión Europea. Nestos alcuentros tamién tuvo presente Ramón Argüelles, coordinador xeneral d'IX.

Tanto Torvads como Bernardett recibieron un 'Informe sobre la Llingua Asturiana' n'asturianu y n'inglés. Esti documentu recueye datos básicos sobre la situación del idioma y fai un repás a cuestiones históricas, llegales y sociolóxiques.

Contador Estadistiques