La Wikipedia algama la cifra de 60.000 artículos

La entrada 'Xuegos Olímpicos d'Iviernu' marca esta cantidá a la que se llega nel Día Internacional de la Llingua Materna.

La Wikipedia n'asturianu nun para de medrar y siete meses depués de superar los 50.000 artículos suma yá 60.001. Pa la simbólica cifra de los 60.000, los voluntarios que conformen l'equipu de la enciclopedia llibre en llingua asturiana escoyeron la entrada 'Xuegos Olímpicos d'Iviernu' coincidiendo cola celebración d'esti eventu estos díes na ciudá surcoreana de Pyeongchang.

D'esta manera, el nuesu idioma sigue ocupando un llugar importante ente toles wikipedies esistentes nel mundu, superando en númberu d'entraes a idiomes con un númeru de falantes mayor. Nestos momentos l'asturianu ta nel puestu 78 na llista de llingües con Wikipedia propia, perriba del bengalí (56.248 artículos) y perbaxo del bielorrusu (62.231).