La mar de Xixón, en concreto El Muelle, ye l’escenariu del videoclip de ‘El barquín’, cantar del discu-llibru ‘Kikirikikí’ d’Alicia Álvarez que yá va pela so segunda edición. La composición “ye un cantu a la llibertá que munches veces nun algamamos polos nuesos propios mieos”.

“Representen un testimoniu únicu de la Edá del Fierro na Península Ibérica y n’Europa”, esplicó Berta Piñán, conseyera de Cultura, Política Llingüística y Turismu, na presentación en sociedá d’esti afayu fechu n’avientu del 2020 en Ribeseya. Los dos cascos de bronce dátense nel sieglu VII enantes de la nuesa era y tán espuestres de manera temporal nel Muséu Arqueolóxicu d’Asturies.

El mónográficu ‘La cultura asturiana, na encruciyada’ conforma’l númberu 25 de ‘Cultures. Revista asturiana de cultura’ que dirixe Roberto González-Quevedo y asoleya l’Academia de la Llingua Asturiana (ALLA). Analiza la encruciyada xeoeconómica de la cultura asturiana y va presentase nel marcu de la feria LibrOviedo.

L’ausencia del asturianu y del gallego-asturiano n’Infantil, que “supón amás una ruptura drástica na transición de la llingua materno-ambiental a la institucional-escolar con bultables consecuencies negatives nel procesu de deprendimientu”, y la falta de cambios en Primaria, Secundaria y Bachilleratu lleva a SUATEA a falar de “marxinalidá” de les llingües propies. Recalama equidá col castellanu na enseñanza.