La seleición asturiana UEFA supera a Madrid

Da un pasu de xigante hacia la fase siguiente tres ganar 2-0 con tantos de Villa.

Asturies llegó al descansu con esi resultáu nel marcador tres una bona primera parte, pa depués saber xugar con esa ventaya nos 45 minutos postreros. El gran protagonista del partíu celebráu n'El Berrón foi'l delanteru del CD Tuilla Villa, autor de los dos tantos, el primeru nel minutu 20 y el segundu, nel 31.

La seleición entrenada por Xiel va disputar el so segundu encuentru'l domingu contra Melilla, previstu pal meudía nel avilesín Román Suárez Puerta con entrada llibre. Mentes, melillenses y madrilanos van enfrentase mañana nel Estadiu Universitariu, n'Uviéu, a la mesma hora.

Un trunfu con Melilla aseguraría'l pase a Asturies pa la siguiente ronda d'una competición que yá ganó na temporada 2001-2002.