La puesta a la venta de los billetes de los trenes que van estrenar la variante de Payares yá tien fecha y preciu

Renfe va promocionar la llegada de la velocidá alta a Asturies con 25.000 asientos a partir de 18 euros a la venta per 10 díes.

El xueves 2 de payares van ponese a la venta los billetes de los trenes que van facer usu de la variante de Payares dende'l xueves 30 d'esi mes. Un día enantes, el miércoles 29, va inaugurase oficialmente la infraestructura que llevó cuasi 20 años de trabayos, con un restrasu total de 14 años sobre la primer fecha anunciada.

La ministra Raquel Sánchez Jiménez anunció esta mañana esta esperada fecha pa poder facese a un preciu más baxu hasta 25.000 asientos en viaxes hasta'l 15 de febreru. Renfe, como ye vezu cuando abre un trazáu nuevu de velocidá alta, va facer una promoción pa los servicios que "van enllazar Asturies con Madrid, Castilla y Lleón y Comunidad Valenciana", con places a partir de los 18 euros per 10 díes.

El serviciu ente Xixón y Madrid, con velocidá alta dende La Pola, va contar con horarios nuevos. El tiempu de trayeutu va reducise nuna hora, que se acortar entovía más cola llegada en primavera de los trenes nuevos de la serie 106, los Talgo Avril, de mayor capacidá, vehículos que tamién van aportar a Avilés.

Na imaxe, túneles de la variante de Payares. Semeya de la Delegación del Gobiernu estatal n'Asturies.

¡Queda muy poco! Desde del 2 de noviembre se podrán adquirir los billetes de @Renfe para viajar, a partir del 30 de noviembre, en alta velocidad a Asturias, atravesando la nueva Variante de Pajares.

Cumplimos un hito histórico para la movilidad de las y los asturianos. pic.twitter.com/A2WZQ7YKWT

— Raquel Sánchez (@raquelsjimenez) October 25, 2023