La placa de recuerdu a Mánfer de la Llera en Sama, desapaecida

|

El PAS reclama la so reposición.

La placa instalóse en mayu del 2011 na cai La Llera coincidiendo cola Selmana de les Lletres Asturianes, qu'esi añu taba dedicada a la figura del escritori nacíu en Ciañu. Vicente Álvarez Areces y María Esther Díaz, presidente d'Asturies y alcaldesa de Llangréu, de manera respeutiva, naquel tiempu, encargáronse de destapar dicha placa en recuerdu a Manuel d’Andrés Fernández 'Mánfer de la Llera' (Ciañu, 1918; Xixón, 2005).

Güei, cuatro años depués, ésta ta desapaecía, según informa'l Partíu Asturianista (PAS). La formación reclama la so reposición, "máxime nestos díes nos que na su tierra d'adopción, en Xixón, homenaxeáronlu" cola instalación d'un monolitu de recuerdu nel parque que lleva'l so nome. "Paez una afrenta pública que, por contra, a un llangreanu nacíu en Ciañu se-y quite'l reconocimientu de los sos vecinos y de la so memoria", afirma Xosé Avelino Devesa, secretariu del PAS en Llangréu.

Contador Estadistiques