El PAS insiste na reposición de la placa d'homenaxe a Mánfer de la Llera en Sama

Denuncia que sigue en paraderu desconocíu.

Seis meses depués de dar a conocer a la opinión pública la desapaición de la placa inaugurada asitiada na cai La Llera y inaugurada nel 2011 por Vicente Álvarez Areces y María Esther Díaz, presidente d'Asturies y alcaldesa de Llangréu, de manera respeutiva, el Partíu Asturianista (PAS) torna insistir al Conceyu de Llangréu na reposición de la mesma. La formación llamenta que Xixón sí recuerde al escritor naciu en Ciañu, al bautizar a una zona verde en Pumarín col so nome, y que Llangréu nun faiga un res énte esta situación.

Pal PAS ye una "afrenta pública" qu'a Manuel d’Andrés Fernández 'Mánfer de la Llera' "se-y quite'l reconocimientu de los sos vecinos y de la so memoria" y critica que'l Conceyu "nun dixera en too esti tiempu nin una sola pallabra al respeuto de la placa, l'averiguación del so paraderu y la so reposición", afirma Xosé Avelino Devesa, secretariu de la formación asturianista en Llangréu.