La periodista R. Viado participa nos talleres de llectura de Nava

Va falar sobre'l so ensayu 'Yá cuasi nunca lo facemos por amor. Conciencies mercenaries'.

Beatriz Redondo Viado va participar esta selmana nos Talleres de Llectura n'Asturianu de Nava, qu'entama'l Serviciu de Normalización Llingüística de la 'Comarca de la Sidra'. La periodista va falar colos asistentes del ensayu col que ganó'l XIX Premiu Máximo Fuertes Acevedo d'ensayu, correspondiente al añu 2013, que convoca la Conseyería d'Educación y Cultural dientro de los Premios Lliterarios.

En 'Yá cuasi nunca lo facemos por amor. Conciencies mercenaries', la d'El Remediu trata sobre les rellaiciones ente'l poder y los medios de comunicación. Asina, va aldericar sobre esti tema colos sos llectores el xueves, a partir de les 19 hores, na sala Marta Portal de la Casa la Cultura de Nava.