La obligatoriedá del usu de la mázcara entra a valir el xueves

Los menores de 6 años pueden dir ensin ella.

Dende mañana va ser obligatoriu l'usu de mázcara pa salir a la cai, "preferentemente hixéniques y quirúrxiques, que cubra nariz y boca", pa controlar meyor la pandemia de COVID-19. El decretu, espublizáu esta mañana nel Boletín Oficial del Estáu (BOE), afita qu'hai que llevala "na vía pública, n'espacios al aire llibre y en cualquier espaciu zarráu d'usu públicu o que tea abiertu al públicu, siempre que nun sía posible caltener una distancia de seguranza interpersonal d'al menos dos metros".

La midida, demandanda por delles autonomíes, ente elles Asturies con especial insistencia, va allargase mientres dure l'estáu d'alarma. De momento ta establecíu hasta'l domingu, anque la intención del Gobiernu ye ampliala 15 díes más, no que será la quinta prórroga.

Quedarán lliberaos de llevar mázcara, amás de los menores de 6 años, aquelles persones con dificulaltaes respiratories. Lo que nun establez el decretu son les sanciones que llevaríen el so incumplimientu.