La narración del Sporting-Uviéu en RPA va ser n’asturianu

|
La narración del Sporting-Uviéu en RPA va ser n’asturianu

Toño Aguiar y Miguel Fernandi van narrar l’esperáu Sporting-Uviéu n’asturianu en RPA. La radio pública prepara una programación especial pal derbi del sábadu, dende les 15 a les 21 hores, na que va entemecese la llingua asturiana y el castellanu.

Esti ye’l primer derbi que va cubrir la RPA, nacida nel añu 2006, y pa la retresmisión del partíu va intercalar los comentarios de los dos llocutores que retresmiten los partíos de los dos conxuntos. Asina, Aguiar va narrar los ataques del Sporting y Fernandi los del Uviéu, dambos siempre n’asturianu.

El restu del programa va ser mayoritariamente en castellanu. Asina, baxo la presentación de Bea Otero, van participar Eloy Olaya, Armando Álvarez, Javi Amieva y Rogelio Lamar. Mentes, nos esteriores del campu y na zona mesta van tar Fernando García de Dios y Diego Domínguez.

L’especial pol derbi, que va comenzar a les 18 hores n’El Molinón, va contar con convidaos per teléfono, como ex xugadores de dambos conxuntos, persones populares siguidores de los roxiblancos y azules, y peñistes que van vivir el partíu fuera del país.

Contador Estadistiques