La militancia de la FSA decide nes urnes ente Barbón y Pérez

|
La militancia de la FSA decide nes urnes ente Barbón y Pérez

El domingu tán convocaes 8.240 persones pa escoyer al secretariu xeneral nuevu.

Los dos aspirantes, José María Pérez López y Adrián Barbón, representen a les dos corrientes mayoritaries del PSOE a nivel estatal. El voceru socialista en Xixón ye'l candidatu del sector del secretariu xeneral actual, Javier Fernández, mentes que l'alcalde de Llaviana ye partidariu de la vía 'sanchista'.

La militancia de la Federación Socialista Asturiana (FSA) va tener dende les 10 a les 20 hores del domingu pa depositar el so votu en 22 de los 68 centros eleutorales que se van habilitar en tol país. Nel restu, por mor del menor númberu d'afiliaos, van tener horarios más reducíos.

Alredor de les 21 hores ta prevista la intervención de dambos candidatos na sede nacional de la FSA, una vegada se conozan los resultaos definitivos d'estes primaries.

Contador Estadistiques