La Llei Audiovisual afitará una cuota del 6 por cientu en llingües cooficiales

Gabriel Rufián, diputáu d'ERC, avanzó detalles del alcuerdu col Gobiernu estatal p'apoyar los Presupuestos Xenerales del Estáu.

El votu favoratible de los catalanes yera clave pa poder aprobalos y al asegurase esti sofitu'l PSOE garantiza la gobernabilidá. A cambiu cedió na pretensión del afitamientu de cuotes pa les llingües oficiales na Llei Audiovisual y incentivos pa fomentar la producción audiovisual nestos idiomes.

En concreto, les diferentes plataformes han de tener una cuota del 6 por cientu nel so catálogu. Esto significa que de 100 películes ufiertaes, 30, por direutiva europea, han ser de producción europea y 6 en llingües cooficiales.

Amás alcordóse un impuestu del 5 por cientu pa la producción audiovisual, del que'l 10 por cientu va destinase a incentivar la realización nestes llingües.