La Llegra abre'l segundu y postreru periodu pa encargar la camiseta deportiva d'Asturies

|
Camiseta seleición asturiana La Llegra

Hasta'l domingu hai de plazu pa mercar esta prenda que bien podría ser la de la seleición.

Tres l'ésitu que tuvo'l primer periodu de venta de la camiseta d'Asturies de texíu deportivu diseñada pol Llar La Llegra y l'efeutu llamada al vela en persona, esti espaciu uvieín abrió un segundu pa les persones que quieran facese con una, que va ser el postreru. Tien un preciu de 25 euros y les ganancies van dedicase a la financiación d'esti llugar d'alcuentru y reflexón soberanista d'Uviéu.

Les persones interesaes han de rellenar esti formulariu colos dos datos y la talla deseada, cola posibilidá de poner nome y dorsal por 2 euros más. El domingu ye'l día últimu pa facese con esta camiseta con una tonalidá d'azul más escura que les que vistió recién la seleición asturiana y qu'incorpora nel pechu un mosaicu cola flor del agua xunto con una asturina y la frase 'Asturies Xamás Vencida', amás del nome n'asturianu de tolos conceyos del país na parte inferior del llombu.

Contador Estadistiques