La gala d'adultos abre'l II 'Sácame pola pinta'

Les dos finales tienen entrada de baldre.

A les 19.30 hores d'esta tarde ye la primer cita del 'Sácame pola pinta', nel Teatru Nuevu de La Felguera, cola participación de nueve persones. Ésta ta destinada a adultos, que van aspirar a un premiu de 1.000 euros imitando a dalgunos de los sos artistes asturianos favoritos.

Mañana, a la mesma hora y nel mesmu llugar, va ser el turnu de les neñes y neños. Doce van ser los finalistes que van interpretar cantares qu'escoyeron d'un llistáu d'artistes d'estilos estremaos cola intención de convencer al xuráu y llevar el concursu, que tien como primer premiu la grabación d’un discu promocional de 4 cantares grabáu nun estudiu profesional con acompañamientu instrumental.

Tamién va haber reconocimientu pal favoritu del públicu, que va poder votar per Facebook después de les gales. Nesti casu'l gallardón consiste en 300 euros en conceptu de clases na Escuela de Música d’A Mansalva.