La Fiscalía investiga al alcalde y al secretariu d'Illas por presunta prevaricación

Un vecín presentó una denuncia n'ochobre pola desapaición, supuestamente de forma intencionada, d'un informe de medición de ruíos a un establecimientu hosteleru.

La seición territorial d'Avilés de la Fiscalía d'Asturies ta acabante d'abrir dilixencies contra Fernando Alberto Tirador, alcalde d'Ilas por Convocatoria por Illas, y el secretariu conceyil Juan Manuel Acebal, "por un presuntu delitu de prevaricación del art. 404 del Códigu Penal". La fiscal decana Elsa Mesones firma la notificación al denunciante.

Ésti lleva más d'un añu en comunicación col Conceyu d'Illas polos ruíos y molesties que vien careciendo por un establecimientu hosteleru apegáu a la so vivienda qu'incumple tamién los horarios d'apertura y de pieslle. Depués de delles denuncies, algamó nel entamu d'esti añu que l'Ayuntamientu-y la xestión d'una medición de ruíos por parte del Llaboratorio Asturianu de Calidá de la Edificación, que se fixo nel mes de xunu.

El denunciante, que ta siendo tratáu pol Serviciu de Salú Mental d'Avilés pa poder garrar el sueñu, tien constancia de qu'esti organismu treslladara al Conceyu en xunetu l'informe, ensin recibir comunicación nenguna sobre'l mesmu magar la solicitú fecha de manera forma'l 24 d'esi mesmu mes. En setiembre y ochobre tornó a presentar escritos al Ayuntamientu, ensin respuesta, polo que decidió treslladar l'asuntu a Fiscalía.

En concreto, reclamaba ocho delitos, anque Fiscalía aceptó finalmente una investigación a Tirador y Acebal por presunta prevaricación por parte de los dos funcionarios.

Na semeya, Tirador.