La evolución epidemiolóxica tres el biltu de Xixón va marcar la decisión d’Asturies de solicitar el pase a la fase 3

Asturies celebró col Ministeriu de Sanidá un aconceyamientu virtual pa valorar la situación del país tres el biltu anunciáu’l sábadu nuna residencia de Xixón. La evolución epidemiolóxica d'estos díes va llevar al Gobiernu a solicitar o non el pase a la fase 3 el día 8.

"Tengo que comunicar una mala noticia, un biltu nuna residencia en Xixón, l'Instituto Gerontológico Astur, quince residentes y cuatro trabayadores", rellató’l presidente Adrián Barbón a la ciudadanía nuna rueda de prensa pa evaluar la situación de la pandemia de COVID-19. Los díes previos una enfermera dio positivu, polo que rápidamente Salú intervino’l centru, derivando a los pacientes a instalaciones de tratamientu de la COVID-19 y comenzando dende primer hora de la xornada col siguimientu de los contautos de los profesionales afeutaos pal so aisllamientu en cuarentena.

"El virus nun taba dientro de la residencia, sinón que vieno de la cai”, añadió’l socialista, que llamó a caltener les midíes de seguranza, esto ye, "usu de mázcara, distancia de seguridá y llavar a menudo les manes con xabón y agua", porque "el virus sigue na cai". Asturies, que contaba con pasar a fase 3 el llunes qu’entra, estudiar agora la situación epidemiolóxica tres esti biltu, pa decidir dar finalmente, previsiblemente mañana, pidir el pasu o non.

Asina lo confirmó’l direutor xeneral de Salú Pública, Rafael Cofiño, esta mañana nel programa ‘Más de uno Gijón’ d’Onda Cero. Na mesma informó tamién del aconceyamientu col ministeriu pa valorar el momentu.

Posible movimientu ente territorios en fase 3

El Gobiernu estatal podría permitir el movimientu ente territorios que tean en fase 3 dende’l llunes próximu. Barbón yá comunicara la selmana pasada que yera una cuestión que taba valorando l’Excutivu pa metá de mesmu, sofitando’l llavianés l’apertura de los tresllaos ente les comunidaes del norte.

Na imaxe, intervención de Barbón del sábadu na qu'anunció'l biltu de Xixón.