'Los amigos de Bernhard' d'Annemarie Schwarzenbach escaparate Trabe

“Tresllada la vida d’un grupu de mozos que sal de les pautes marcaes polos poderes”, rellata Rodríguez Valdés sobre ‘Los amigos de Bernhard’

Una cuestión como’l choque xeneracional, poco o nada tratada na lliteratura asturiana, apuerta agora de la mano de la obra ‘Freunde um Bernhard’, de la suiza Annemarie Schwarzenbach, trayida del alemán al asturianu por María García Díaz. “Tresllada la vida d’un grupu de mozos que sal de les pautes marcaes polos poderes”, apunta Rafael Rodríguez Valdés, direutor de la coleición ‘Calume’ de Trabe, sobre esti llibru que se presenta esti vienres na llibrería de la editorial asitiada n'Uviéu.

Cartelu redes IX Día de la Reciella

Tolos cantares del Día de la Reciella

Esti sábadu ye’l IX Día de la Reciella, una xornada que nos años últimos vieno siempre acompañada con un cantar especial pa cada edición, ‘L’asturianu conéctate’ d’Alfredo González nésti. Canciones que van sonar nel Muséu del Pueblu d’Asturies y que xuntamos nesta información pa poder recordales, cantales y baillales en familia.

María Antonia Pedregal y Rafael Rodríguez Valdés presentación 'La palabra final'

El II Premiu Florina Alías de traducción va pa la obra ‘La palabra final. Diariu d’un suicidiu’

La torna de María Antonia Pedregal dende l'italianu de 'La parola fine. Diario di un suicidio' de Roberta Tatafiore foi reconocida como merecedora del II Premiu Florina Alías, al qu’entraben de manera automática les ocho traducciones espublizaes nel 2021. Ye’l tercer títulu qu’asoleyó Ediciones Trabe dientro la so coleición ‘Calume’.

Álvaro Queipo

Queipo califica de “oportunidá perdida” el papel xugáu por Asturies, más allá de lo musical, nel Interceltique de Lorient

“Nel futuru’l Gobiernu d’Asturies, sía quién sía’l que tea nel Gobiernu, debería saber que lo que nun se debe facer foi lo que se fixo na organización d’esti añu en concretu” espresó Álvaro Queipo sobre’l LI Festival Interceltique de Lorient na Comisión de Cultura. El secretariu xeneral del PP, que tuvo presente n’An Oriant, calificó de “oportunidá perdida p’Asturies” esta edición dedicada al nuesu país.

Antón García, Miguel Barrero, Raquel Prendes y David Guardado presentación IX Día de la Reciella

“El Día de la Reciella nun busca convertir l’asturianu nun tema, sinón nuna forma de comunicase”, apunta Guardado

Entama la cuenta atrás pal IX Día de la Reciella, que se celebra esti sábadu nel Muséu del Pueblu d’Asturies. Esti miércoles presentóse na Casa Conceyu de Xixón l'eventu, actu nel que David Guardado, representante de Reciella, rescampló qu’esta xornada “nun busca convertir l’asturianu nun tema, sinón nuna forma de comunicase”.

Marta Vielsa y Luis Ángel Fernández Santos ganadores VI Indumentaria

Marta Vielsa y Luis Ángel Fernández Santos llevaron el primer premiu del sestu concursu ‘Indumentaria’

Magar l’amenaza de mal tiempu, qu’obligó a llevar les actividaes al Frontón del Parque d’Arrriba, los paxellos tradicionales llucieron en Grau nel VI Día’l Traxe’l País. Foi otra gran xornada cargada de tradición na que Marta Vielsa y Luis Ángel Fernández Santos convencieron al xuráu de‘Indumentaria’ pa llevar el concursu.

Asociación Grana presentación rueda de prensa

L’Asociación Grana presentóse en públicu recibiendo “muncha disposición” y interés ciudadanu

Sorprendíos y agradecíos. Asina se sienten los collacios de Yolanda González Huergo qu’impulsen l’Asociación Grana n’alcordanza de la militante asturianista y activista polos derechos humanos depués de presentar esti espaciu d’alderique y reflexón na Casa Conceyu de Xixón énte l’interés amosáu pola ciudadanía estos primeros díes.

Falamos arranca con más de 400 preinscritos y places completes n’Uviéu, Carreño y Mieres, qu’abre un segundu cursu

Esti llunes arranca en Mieres el primer de los cursos semipresenciales de baldre de formación non reglada p’adultos n’asturianu y gallego-asturiano. El proyeutu pilotu Falamos, que va llegar nun primer momentu a 13 conceyos, yá escosó places n’Uviéu, Carreño y precisamente, Mieres, onde se va poner un segundu dada la demanda.