La esposición 'Voces' del Arqueolóxicu amplíase hasta'l 11 de payares

|
Esposición Voces

L'amuesa cuenta la historia social del llinguaxe d’Asturies dende la prehistoria a l’actualidá, focalizada nel asturianu, al traviés de paneles triangulares y audiovisuales.

‘Voces. La llingua n’Asturies al traviés de los sieglos’, la esposición coordinada por Xulio Viejo que se pue visitar nel Muséu Arqueolóxicu d'Asturies dende'l 26 de setiembre, amplíase hasta'l 11 de payares. Nun primer momentu, la fecha prevista pal so desmontaxe taba prevista pal domingu pasáu.

L'ésitu de públicu y l'interés de bien de centros educativos en visitala llevó a la Conseyería d'Educación y Cultura a ampliar el calendariu de la muestra un mes más. Los paneles trianguales y los audiovisuales van viaxar darréu per conceyos de toda Asturies, cola particularidá de que l'amuesa nel Arqueolóxicu complétase con delles pieces lliteraries y arqueolóxiques singulares, cedíes por coleicionistes y pol mesmu muséu.

Contador Estadistiques